Popular Bible Verses from Kutangisa 49

Share

Ludozo gwe bushe agutowobhuda muna Juda, ne swimbo ye bushe aingabhude pakati kwe bana babe, kuswikila wakagulingisana ezha, njudzi dzose dzowonteedza.

“Josefa lutabi gunozwala, lutabi gunozwala gupa nsenya, thabi dzidze dzotatha guma. Babhayani nge misebe bakan'nginilila kunotjisa, bakamposa bakammanikidza.

Koga dati lile likasitongozunguzika, ne maboko awe akathamiwa majatu, nge maboko a Masimbawose wa Jakubo, nge zina le Nlisi, Shongwe ye Iziraela. Ndzimu wa botate benyu unomubhatsha, Masimbawose banowomukombolela, nge makombolelo e vula kudwa kudzimu, nenge makombolelo nge vula i pasi, nge makombolelo e zwithuwo ne bana.

“Juda, bana ba tate babo banowokukudza, tjiazha tjitjo tjowobe pa hwulo dze zwita zwizo, bana ba tate babo banowokuthigamila. Juda i shumbana, unoshandukila ku guwu lilo wabulaya. Unolala pasi, kazwitambunudza se shumba. Unonga shumbakadzi, ndiani ungammusa kene?

“Rubheni, iwe u mbano yangu, u simba langu ne ntjelo we kuzwihwa kwangu unopinda bose nge mamo ne simba. Unokubhungana se vula, autowobe utji nkulu, ngoti wakatatha bulawo gwa tate babo, ukatemapadza malalo angu.