Popular Bible Verses from 1 Pita 1

Share

Ngakukudziwe Ndzimu kakale bali Tate ba She wedu Jesu Kirisiti! Nge ngoni dzabo hwulu, takazwagwa butshwa mu kugalabgwe kunotjila, nge kumusiwa kwa Jesu Kirisiti mu bafi, ngekugala thaka tjisingalobe, tjisina shambgwa, kakale tjisingafubale, tjamakabigigwa kudzimu

Shathani muna ikoku, nenguba mu nsi uno mungadziyila kushomanana nge ndiko dzakasiyana siyana, kuti ndizo malebeswa e bugalimoyo gwenyu guna themba inopinda ye golide inoti nenguba iloba, koga inolikiwa nge moto, sa ikokobo bugalimoyo gwenyu gungabe mbhayilo mu kukudza ne kumilidzila pezhugwi ne kutetiwa mu kuzumbunugwa kwa Jesu Kirisiti.

Koga, sa iye wakamudana ali n'yengemali, ibeni bayengemali namwibo, mu tjimwe ne tjimwe tjamunothama; sekwa kwakakwagwa, kuyi “Yengemalani, nge kuti imi ndakayengemala.”

Se bana banohwa, musitjayendidzane ne njemulo dzinodwa mu kushaya luzibo kwenyu kwa ntolo.

Ndizo, lulwamisani njalakang'wa dzenyu kushinga, muzwibhate. Kugalabgwe kwenyu ngakube mu ngoni dzinozha kumuli mu kuzumbunugwa kwa Jesu Kirisiti.

Ngoti kwakakwagwa kuyi, “Bathu bose banonga bushwa, nenge bubuya gwabo gonga luba le shango. Bushwa goswabiswa nge zhuba, ngono luba likawa, koga dama la She ligele nge kusingapele tjose.” Dama ilelo i ndebo mbuya yamakasumikiligwa.