Popular Bible Verses from PROVERBIOS 31

Share

Anquese i t'ojol jax x'ixic lolom jach i t'ojlʌwel. Mach ti pejtelelic ora an. Jini x'ixic mu' bʌ i bʌc'ñan lac Yum mi caj i taj i c'uxbintel ti isujm.

Añʌch i p'ʌtʌlel yic'ot i c'uxbintel i wenta i ch'ʌjlil. Tijicña i pusic'al. Ma'anic chuqui mi' bʌc'ñan. Tsiquil an cabʌl i pusic'al che' mu' ti t'an. Tsiquil i yutslel i pusic'al che' mi' cha'len cʌntesa.

Mi' cha'len wersa i coltan jini pobrejob. Mi' p'ewben i chubʌ'an jini mach bʌ añobic i cha'an.

Wocol ti tajol wen bʌ x'ixic. Yom ñumen mi' c'uxbintel bajche' perla xajlel letsem bʌ i tojol.

La' melbentic che' bajche' tsi' melbeyob i pi'ʌlob. La' c'uxbintic cha'an i melbal ti' tojlel winicob x'ixicob.

Che' winicobix i yalobilob uts'atax mi' q'uelob i ña'. I ñoxi'al ja'el uts'atax mi' q'uel i yijñam.