Popular Bible Verses from ECLESIASTES 1

Share

Che' cabʌlix lac ña'tibal, cabʌl lac wocol. Che' mi' p'ojlel lac ña'tibal, mi' p'ojlel i ch'ijiyemlel lac pusic'al.

Pejtel chuqui tsa' ujti ti' tojlel lac ñojte'el mi' cha' ujtel ti lac tojlel. Pejtel chuqui tsi' cha'leyob mi lac cha' cha'len. Ma'anic chuqui ñoj tsijib ti yebal panchan.

Pejtel chuqui an mi' c'ojyel la cubin. Ma'anic mi' jastiyel lac wut ti' q'uelol chuqui tac an ti pañimil. Ma'anic mi' jastiyel lac chiquin ti' yubintel chuqui tac mi la cubin.

Mi cʌl lolom jach pejtel chuqui an. Ma'anic i c'ʌjñibal. ¿Chuqui mi' taj winic cha'an i ye'tel ti yebal panchan, anquese wocol mi' cha'len e'tel?

Tsaj q'uele pejtel i melbal winicob ti yebal panchan. Melel lolom jach. Woli jach i yʌsiñob ic'.

Mi' yilan pañimil, mi' chʌmel. I yalobil mi' ch'ʌmben i yajñib. Pero jini lum an ti pejtelel ora.

Mach lac ña'tayic bajche' tsi' meleyob lac ñojte'el. Tsa'ix sajti ti lac pusic'al. Jini mu' bʌ caj lac mel mi caj i sajtel ja'el. Ma'anix mi caj i chʌn c'ajtesañob la calobilob.

Tsa' bʌx'ayon ti' ñopol pejtel chuqui an, bajche' mi' melob jini año' bʌ i ña'tibal yic'ot bajche' mi' melob tontojo' bʌ año' bʌ i sajtemal. Tsa' caji c ña'tan woli jach cʌsin ic'.