Popular Bible Verses from Sunda hi suma a sunuzinid’a 5

Share

Wani Pierre azi ki suma hiu suma a sunuzina a hulong dazi ala: Le ni nana pî, ami humumi Alona kal suma.

Bur ma lara pî, azi nga kur gong nga kud’ora hAlonid’a d’oze kur azina hi sumina, a ar nga bei hat suma d’oze bei tchi wal Zla d’a Djivid’a hi Jesus Christ-sa d’uo mi.

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge? Kid’a ang nga ki sed’emba, ni mangâ d’uo zu? Le ang guzum mbei pî, begem ni manga mi d’uo zu? Ni yam me ba, ang nga hurung á lahle ndazina na ge? Ang ka ni zlad’a mi suma d’i, wani ni mAlona. Ata yima Ananiyas mi hum zla ndatina, mi puk kä, mi mid’a. Suma a hum ahle ndazinina pet a le mandarâ ngola.

Ki tchetchemba, an nga ni dagiya, agi halagi ad’u sum ndazina d’i. Agi arazi a iya. Le zla mazid’a ki sun mazid’a, le ni hi sumid’a ni, mba d’i dap peyo. Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.