Popular Bible Verses from 2 Amuleina 2

Share

Kid’a azi djak sä woi abo hî d’a, Elie mi de mi Elise ala: Ang tchenen vama ang min an langzina avok ka bei Ma didina mi walan ki sed’enga. Elise mi hulong dum ala: An min ala ang han ni muzuk mang ma djok vuna yang mbà.

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

Elie mi dum ala: Ang tchen ni vama ad’enga á fed’ina. Wani ata yima Ma didina mi hlan akulona, le ang wanu ni, vama ang tchenema ang fumî fe. Le ang wan nga d’uo ni, vama ang tchenema ang fumî fe d’uo mi.

Mi yo baru d’a ngol ndata, mi wat ki mbiyo aluma, mi er ad’um akulo ala: Ma didina Alona hi Elie-na, mi nga ni lara ge? Ata yi máma mi wat mbiyo aluma. Aluma mi wal lei aduk mbà, mam djak abo hî.

Ata yima Elise mi we hina na, mi er ad’um akulo ala: Iba! Iba! Pusâ hi Israel-lîna ki suma djangâma! Bugola, mi we Elie d’uo d’a. Kayam ndata, mi ve baru mamba, mi hawât tei aduk mbà.

Elie mi yo baru mam mba ngola, mi d’ud’ud’u, mi wat ki mbiyo aluma. Aluma mi wal lei aduk mbà, azi djak a djak sä woi abo hî kasezi sod’a.

Ata yima Ma didina mi min á hle Elie akulo ki mbirlimbina, wana nahle suma a lena: Elie azi ki Elise a tcholï Gilgal ad’u tazi djak.