Le an min subur tanu ni, an mba ni mbut ma lilid’a d’i, kayam an de ni zla d’a gagazid’a. Wani an ar bei subur tanu, kayam ar sa mi djib’er kan kal vama mi wum atana, d’oze vama mi humum avunana d’uo mi.
Kayam an fe lovota á subur tan yam ahle suma kal tegles suma Alona mi simad’andjina d’i, ni kayam ndata ba, mi tinin tugud’ei d’a ndaka atanu, ni ma sunda hi Seitan-na ba, mi ton kiya, kayam an subur tan ndi.