Popular Bible Verses from Proverbios 4

Share

Ko koto vava'a‑ka ini anua ro a sana ndaka‑ka ja neva'a ro a, vaa ini anua ro a kúu ja chindee ña'a ja koteku ro nuu Su'si ma.

Te ndimaa ndasa'a ro kuenda nawa sa'a nawa kúu ro ndenu kua'an ndenu vee ro. Sukan, te kuni ro ja ndaka ja sa'a ro ma chi kee va'a.

Te ku'un ini ro ja másu ko ka'an ro tnu'u ndeva'a tnu'u kini ma, te másu ko kua'a ro tnu'u ja ko kuiso kuechi ro ja kuechi ja ká'an ro ma.

Ja kanuu xeen‑ka kúu ja kutu'va ro tnu'u ndichi ma te ko kuu ro in ñayii ndichi ma, sana ndeva'a‑ni nawa ko ni'i ko tna'a ro ñuu ñayivi a.

Kovaa ñayii ka jika ichi va'a te ka sa'a i ja ndaa ma chi jin ko kuu i sukan kúu ja ve ndii ma, vaa xinañu'u kukuijin ma, sani te ve ndii ve ndii‑ka ma onde kenda ja ndii vava'a‑ka ma. Kovaa ñayii ka sa'a ja u'vi ma chi kuenda tnu'u ja nee kuiti ichi kuan koo i ma, vaa ni masu ka jini maa i, te ka kendeka ka kee ni'ni i kuan koo i.

te másu ko xndoo ro tnu'u ká'an ri a sukan‑va'a sa'a i ja koo va'a ro, te ko kuu sii ini ro ja ko sa'a ro ma, sukan‑va'a kaku ro nuu ja u'vi ma.

Te kuta'vi ndaka ja ká'an káchi ri nuu ro a, te ku'un ku'un‑ni ini ro te máko xndoo ro, vaa suu i sa'a ja koteku ro.

Másu ko ndikin ro ichi ñayii ka sa'a ja u'vi ma te ko sa'a ro sukan ka sa'a i ma.

Sa'ya maa ri, jin konini so'o ja ká'an ru'u ya ja kúu ri yuva ro a, te jin konde'ya va'a ro naxe jin ko sa'a jin ko kuu ro sukan tátnuni ri a, sukan‑va'a jin koo va'a maa ro ñuu ñayivi a.