Popular Bible Verses from Rafudoo Akarafa 9

Share

Qinee inni qeeqa afeeka uqannifiqarara inni minni nisaunaqa kaqi marianara qini afeeka duqu aiqama maqa maaqaki daraaniannoo.

Anutufa kaifaa Mooseena qimaminau. Anee Faraoo finnai oonureenana maaqi qimaseenana qimamia. Oo Faraoo, Yaaweefa Heeburu maqannaa Anutufa aniara maaqi qidanoo. Anee qini qiku qisauku idukusainaqa qiniara innaaru qimaseeqa qimooqiaqee qinoo.

Qinee ani faqa ani maqannaasa faqa manda auriranannai amana naru taikaunaiqini.

Anee kaifaa qaoo qimasee Isaraee maqannaasa sia idukinaqa, qinee manda auriranara qiananoo ani aandau qoosauqa faqa doonkiuqa faqa kameerauqa faqa burimakauqa faqa sipsipauqa faqa mimmiuqa faqa mi aurirana nimianauranoo. Qinee aandau rainaanauranoo Isipa maqannaa aadau aurirana nimianauranoo. Isaraee maqannaasaindi sia aurirana nimianaqa sia misaindi kuquannoo.

Duna suani afu maa maqee marina amanasaa ururainaqa qinee qiananoo aaku firaafa pupu samu namufaqa aqufuannoo. Miqira pupu samu Isipa maqannaasa ooqai faqa maqee mariaqooqari faqa sia qafoo ainainafa maqee kai kambiqaannoo. Doo aneenna maqannaasa qimanniminaqa nariqa aandauqa faqa aiqama ainaina madaanai mari ainainausa faqa mareeqee maaqaki quqaaqa. Madaanai marinna aandausasaa faqa faiqí aanaaseesaa faqa firaa pupusamu aqufinoo kuqa naruannoo.

Miqimmasainanoo mi dandafa kookoomara foora aiqama Isipa maqa maaqakinai aqufinoo aandauqa faqa faiqí anaasee faqa nibeema naruani. Naru finoo radiqinoo namuana firaafa kambiqaani. Mooseefa faqa Aaroonafa faqa Yaaweena ufa iriseeqa danda afaqamaree Faraoo funnai fiqau. Faraoona oorinni oonu kikiqa mafufaqa Mooseefa mi dandana innaarunai aqinau. Aqusoofanoo maqasaa aqufinoo mi dandafa aandauqa faqa faiqí anaasee faqa abeema niminau. Nimisoofanoo mifa radiqinoo namuana firaafa nárí marinau.