Popular Bible Verses from Rafudoo Akarafa 8

Share

Isipa maqannaa afunee fasiqauqa Aaroona oosana qafamaseeqa misa faqa nári afuneennai aakuka amanammasee qafaanee qimasee amanufanoo sia ufaqa minnisaqau. Minnisoofaqa aakukauqa aiqama atinai amanaikiqa mariqau. Afunee fasiqauqa Faraoona qimamiqa qiqau. Anutufa maa ainaina auqaidanoo. Faraoofa misa ufa iriseenoo Anutufa qundee inoo kaukaata qimasee Mooseesa Aaroonasa ufa sia irinau.

Yaaweefa kafaa Mooseesa Aaroonasa qimanniminoo qinau. Inneeqara Faraoo finnai oonuree maaqi qimasee qimamiaqa. Yaaweefa aniara maaqi qidanoo. Anee qini qiku qisauku idukusainaqa misa qiniara innaaru qidaqa qimooqiaqee qinoo.

Eeqamoosa kuqu taikafufanoo Faraoofa qafamaseenoo Yaaweefa qundee inoo kaukaata qimaseenoo sia Mooseena faqa Aaroona faqa ufa irinau.

Anee qaoo qinaqa qinee eeqamoosa moomoora qianaqa anireeqa ani maqa maaqa qumbiqeefaranoo.

Yaaweefa Mooseena qimaminoo qinau. Aaroona maaqi qimasee qimamia. Aaroona anee aneenna saunu qumaree maqa rupeemma aminanoo kookooma fannoo quandaki aakukaikamafi Isipa maqa maaqaki umbiqaani.

Kananaana Yaaweefa qufaqa faufaari moomoo uqanna nukudara foora anireeqa Faraoona ufa irira maaqaki faqa mina ainainiranasaa rakisi marusa maaqakiaqa faqa aiqama Isipa maqa maaqaki faufaari fannoo mandaika uqanna masanau.