Popular Bible Verses from Ebl 4

Share

Laagɔ 'la wɔɔnyɩtʋa ‑ja, ʋ ‑ka 'tɛtɩ, ʋ nɛ 'nyɩ ʋ zi ‑baandua ‑ʋ ‑ka 'lɛ ni ‑mɔsɔ na 'kʋ. Ʋ ble nclɔɔ nɩkplaan ‑aan, 'nyɩ ʋ mʋɔ pɔlɛ 'ciin, ʋ sasalɩ 'kɔa 'la 'kʋgɩlɩdɩa ɩya 'kɔa nɩkplaan 'la 'mlimlia cɩ. Ʋ wla nclɔɔ 'la pɔlɛ 'ciin 'la wɔlɩ ɩya ɔla wɔɔgugwiea ‑tɛtɛa ‑zɔn.

'Dɛndlana, ‑delikʋtɛlɔ nɩkplaan, ‑a mʋnʋ Laagɔa ‑ɔ ‑wa 'lɛ ‑anyɩ na 'la nyɩbhɛlɩkpoa 'bɩɩn, ɩya ‑a ka ɔla ŋaazɩɩnlɩlɩɛ ɩya ɔla dananɔa 'lɩ ɩya daa ‑a ‑kʋ 'lɛ mielieen na, ɔ 'ka ‑anyɩ 'kʋ ci.

‑Teyiyinyɔ ‑kpasaa ‑ɔ cɩ 'ta 'lɛ ‑anyɩ 'kʋcilɩɛ mino na, ‑n 'ta ɔmɔ ‑a 'ta 'lɛ ‑ka, ‑ma ɔmɔ ‑a -yɔɔsɔ ya 'lɛ gbɩɩnclalɩɛa ‑tɛtɛa 'kʋwlalɩ 'nyɩ ‑ɔ 'ta 'lɛ nyinyi nʋ na, ɔmɔ ‑a ‑kanɩ 'lɛ.

Lʋʋ bhlogbɩɩ 'ta Laagɔ 'klʋʋn ‑zizieo. Lɩɩa ‑tɛtɛa ‑kʋɔ 'ci 'kʋ 'kpataa. 'Nyɩ ɔmɔ ‑ɔ ‑cɩ ka 'lɛ ‑anyɩ ɩmɩa ‑tɛtɛa ‑a nʋ 'lɛ na neencla.

Na, ‑a ‑kanɩ 'lɛ ‑teyiyinyɔ ‑kpasa 'kadiea, ‑ɔ ya 'lɛ ‑laagɔa nɩkplaan bleli, 'nyɩ ‑ɔ ‑glɩ 'lɛ Zozii, Laagɔ 'la 'Cʋa na, ‑a kalɩnɩ ɩmɩa 'la pɔɔtɛtɛa ‑a ‑ka 'lɛ na kpaan.

Na, ‑a 'sɩslɩlɩ ɩya ‑a ble nyɔkwɛ ‑naa nɩkplaan, ɩya 'nyukwlitlilo ‑naa ‑sakasaka 'la kanɩ nclɔɔ ‑ylɛylɛ 'la bhlilie ‑lamʋ.