Popular Bible Verses from 1 Pɩɛ 2

Share

‑Ma anyɩ, anyɩ ‑ɔ ‑glɩ 'lɛ 'lɔlʋa ɔ sla 'lɛ de na, nyɩbhɛlʋa 'la ‑teyiyinyaa mala ‑kandea, anyɩ ‑ɔ ‑glɩ 'lɛ ‑kplɔkplɔbhlɩa 'la ncɛlɩa, 'lɔlʋa Laagɔ ple 'lɛ ɔ 'nʋ le a 'ka ɔmɔa ‑ɔ ‑sa 'lɛ anyɩ 'tutua nɩkplaan, 'nyɩ ‑ɔ ‑la 'lɛ anyɩ ɔla ‑jakajakazezezelia nɩkplaan na, ɔla nʋnʋgbɩ 'kadɩa 'dɩkʋsalɩ na.

Ɔmɔa, dabhlalɩsua 'ciin, ‑ɔ ya 'lɛ ‑ala nyinyia ɔmɔ 'titi ɔla 'nyɛkɛa nɩkplaan bhɛlɩ, le ‑a ka 'ku, ‑ala nyinyia ɩla gbazɔ, ɩya ‑a kanɩ 'kʋnylugolulɩɛ 'la gbʋ kʋ na, ɔla 'jia ɩmɩ ‑ɩ jabha 'lɛ anyɩ. ‑Masa, ka a -mlɔa 'lɛ 'bhlabhlɩ 'bhisa, ‑ma ‑pɔtɔnʋ, a yanɩ ala kpanyɔa ɩya ala ‑bɛnyɔa 'klʋ ‑tla.

Anyɩa ‑ɔ 'taa 'lɛ ‑godogodoa Laagɔ 'la 'lɔlʋ ‑glɩ na, a ‑glɩnɩ ‑pɔtɔnʋ ɔla 'lɔlʋ. Anyɩa 'ɔ 'taa 'lɛ ŋaazɩɩn na, ɔ yanɩ anyɩ ‑pɔtɔnʋ ŋaazɩɩn 'lɩ.

ɩya 'cipɔlɩ 'bhisa, 'naa wɔɔnyɩtʋa ‑ʋ ‑glɩ 'lɛ lʋbhʋa ‑ʋ 'ta 'lɛ 'cakalɩɔ na, ʋla 'tʋ 'bhla anyɩ ɩya ʋ 'ka gba a 'ka ‑glɛɛ, ɩya a 'ka gbʋʋnsalɩɛ 'lɩ.

N 'nagwɛcɩnyɩ, a ‑glɩ 'lɛ 'plɩplɩnya ɩya lowie na, n 'clalɩ anyɩ lebhe a tie acɩ lɩɩa ‑ɩ ‑ka 'lɛ 'nyɛkɛa 'tʋ 'nyɩ ‑ɩya 'wugoa vʋ 'lɛ tʋ na. Maa ‑ɔ 'ta 'lɛ Laagɔ ‑ci na sidiin, 'naa ala 'namʋa nama, ɩya ka ma ‑ka anyɩ ‑glaan ‑ka 'titio le a ‑glɩ ‑abhɔlɛnya na, ma 'ka ala nʋnʋgbɩ 'nanɩa 'ciin kope ɩya ma 'ka Laagɔ ‑evliwo, ɔla ciclɩɩa 'kʋ.

Anyɩ ‑masɛɛ, ‑jajacɔkʋ 'bhisa, a kʋmʋ ‑palʋa 'Wugoa ‑kʋ 'lɛ nɩkplaan na, ʋla 'slalɩɛ nɩkplaan, ɩya a 'ka ‑teyiyinya 'la ‑kplɔkplɔkande 'plɩ ɩya a 'ka Zozi Klisi 'kʋ 'plɩlɩ ɩya 'Wugoa nɩkplaan, a 'ka ‑teyia ‑ɩ ‑ka 'lɛ Laagɔ 'tʋ na yi.

'Dɛndlana, a 'talɩ ‑abhɔlɛ, ‑kplakpla, yooyogbɩ, woze, ɩya ncɛlɩglaankalɩlɩɛ 'cin

Na, a mɛɔ cɩ. Ɔmɔ ‑ɔ ‑glɩ 'lɛ ‑jajacɔkwiea ncɛlɩ 'pa 'lɛ 'kwlaan, 'nyɩ Laagɔ sla 'lɛ de, 'nyɩ ‑ɛ ‑glɩ 'lɛ 'pɛlʋtɛtʋcokwie na.

A namʋ le ‑ncɩkalɩnya, ‑ma ka 'nyɩ a 'la 'maa ‑ncɩkalɩɛa le ‑slala ɩya a 'la ‑gbliia ala ‑abhɔlɛa 'wlu, ‑ma a nʋ le Laagɔ 'la lobhocuo.

‑Masa, ɩ ‑glɩ Laagɔ 'la pɔɔsa le a nʋ 'nanɩ, ɩya ɩ 'ka gba ɩya 'tututunyaa ‑ɔ 'ta 'lɛ wɔlɩ bhlogbɩɩ ‑ci na, ma 'ka mala nia mɛ.