Popular Bible Verses from Mareka 9

Share

Jesu a li ku yena, “U li, haiba wa kona! Linto kaufela za konahala ku ya lumela!”

A sa utwa feela cwalo, ndat'ahe mwanana a kalumuka, a li, “Na lumela. Kono a ku ni tuse mwa ku fokola kwa tumelo ya ka.”

Jesu ha s'a li mwa ndu, balutiwa ba hae ba mu buza kwa mukunda, ba li, “Kanti kiñi luna ha ne lu palezwi ku leleka moya wo?” Mi Jesu a ba alaba, a li, “Moya wa mufuta wo, ha u koni ku zwiswa ki se siñwi, konji ka tapelo feela!”

Lizwai li munati, kono ha li sampuka li ka natifiswa kañi? “Mu be ni lizwai, mi mu pilisane ka kozo.”

“Mutu kaufela ya amuhela yo muñwi wa banana ba banyinyani sina yo, ka libizo la ka, u amuhela na. Mi ya ni amuhela h'a amuheli na feela, kono u amuhela ni ya ni lumile.”

Luli na mi bulelela kuli ya ka mi fa komoki ya mezi kakuli mu ba Kreste, yo u ta fumana mupuzo wa hae.

“Haili ya ka sitatalisa yo muñwi wa bao ba banyinyani ba ba lumela ku na, ne i ka ba hande ha n'a ka tamelelwa licwe le lituna mwa mulala, mi a nepelwa mwa liwate.

Mi, haiba ki liito la hao le li ku isa mwa sibi, u li longole. Ne i ka ba hande ku wena ha n'o ka kena mwa Mubuso wa Mulimu u li simpolyo, ku fita ku ba ni meeto a mabeli mi u y'o nepelwa mwa lyangalilo.