Popular Bible Verses from Luka 4

Share

“Moya wa Mulena u fahalimw'a ka. U ni ketile ku luta babotana litaba ze nde. U ni lumezi ku t'o huweleza tukuluho ku ba ba hapilwe, ni ku t'o tutubulula meeto a libofu, ku t'o lukulula ba ba nyandiswa, ni ku t'o zibisa za mwaha wo, sishemo sa Mulena si ta bonahala ka ona!”

Jesu a mu alaba, a li, “Ku ñozwi kuli, ‘U kubamele Mulena Mulimu wa hao, mi u sebeleze yena feela a nosi!’ ”

Jesu a mu alaba, a li, “Ku ñozwi kuli, ‘Mutu h'a koni ku pila ka buhobe feela.’ ”

Jesu a kuta ku zwa kwa Jordani a tezi Moya o Kenile, mi a iswa ki ona mwa naheñi.

Jesu a mu alaba, a li, “Ku bulezwi kuli, ‘U si ke wa lika Mulena Mulimu wa hao!’ ”

Cwale Satani, ha s'a felize ku lika Jesu mw'a n'a konela kaufela, a mu siya ku fitela h'a ka t'o mu lika hape.

Cwale Satani a ya ni yena fa ñambamo, mi ka nakonyana a mu bonisa mibuso kaufela ya lifasi, a li, “Ni ta ku fa bulena ni bufumu bo kaufela, kakuli ni li filwe, mi ni kona ku li fa ye ni lata kamukana. Cwale, ha u ka kubama fapil'a ka, zeo kaufela li ta ba za hao.” Jesu a mu alaba, a li, “Ku ñozwi kuli, ‘U kubamele Mulena Mulimu wa hao, mi u sebeleze yena feela a nosi!’ ”

Cwale Satani a mu isa kwa Jerusalema. A y'o mu beya fa muongola wa Tempele, mi a li ku yena, “Haiba u mwan'a Mulimu, tulela fafasi. Kakuli ku ñozwi kuli, ‘U ka laela mangeloi a hae ku ku sileleza. A ta ku akwela mwa mazoho, kuli lihutu la hao li si ke la kubwa ki licwe.’ ” Jesu a mu alaba, a li, “Ku bulezwi kuli, ‘U si ke wa lika Mulena Mulimu wa hao!’ ”