Popular Bible Verses from Luka 12

Share

Ni mina cwalo mu itukise, kakuli na, Mwan'a Mutu, ni ka taha ka nako ye mu sa zibi.”

Hakulicwalo, mu bilaele pili ka za mubuso wa hae, mi Mulimu u ta mi ekeleza ze mu tokwa kaufela.’

Mi a zwelapili, a li ku bona kaufela, “Mu tokomele, mu ipuluke kwa takazo ya bufumu, kakuli bupilo bwa mutu ha bu iniswi ki liluwo la hae, nih'a ka fuma hahulu.”

Kakuli ko ku inzi bufumu bwa mina, ki kona ko i inzi ni pilu ya mina.

Ki mañi ku mina ya kona ku ekeza mazazinyana kwa butelele bwa bupilo bwa hae, ha bu mu bilaeza?

Cwale Jesu a li kwa balutiwa ba hae, “Kabakaleo ni li, ‘Mu si ke mwa bilaela ka za bupilo bwa mina, ka ze mu ka ca, kamba ze mu ka apala.

Mane ni milili ye kwa litoho za mina i balilwe kaufel'a yona. Kabakaleo mu si ke mwa saba. Mina mu ba butokwa hahulu ku fita tutaha.

“U si ke wa saba, wena mutapinyana! Kakuli Ndat'a mina u lakalize ku mi fa mubuso.

Mu bone mañwalala. H'a cali, h'a kutuli, h'a na mashete ni matuli, kono Mulimu w'a uta! Mina mu fitela linyunywani kwahule!

“‘Cwale mu si ke mwa bilaela nako kaufela ka se mu ka ca ni se mu ka nwa.

Mulimu ya apesa cwalo bucwañi bwa mwa naheñi, bo bu li teñi kacenu, kono kamuso bwa ciswa, n'a ka palelwa cwañi ku mi apesa mina? Mawee, batu ba tumelo ye nyinyani!

Ha ku na se si kwahezwi se si si ke sa kwahululwa, mi se si patilwe kaufela si ta zibwa.