Popular Bible Verses from Jakobo 1

Share

Banabahesu, mu bone kuli ki litohonolo ha mu tahelwa ki mifuta-futa ya miliko. Mwa ziba kuli haiba tumelo ya mina i tula muliko, ona muliko wo u tahisa mutundamenyi.

Kono haiba yo muñwi wa mina a tokwa butali, a bu kupe ku Mulimu, ya ta mu fa bona, kakuli Mulimu u fanga batu kamukana ka sishemo ni ka buñata.

Banabahesu ba ba latiwa, mu hupule se! Yo muñwi ni yo muñwi wa mina a akufele ku teeleza, kono a be bunya kwa ku bulela ni kwa ku nyema.

Kono mu tokomele kuli mutundamenyi wa mina u bonahale hande, mu be ba ba kondile, ku kondelela, ba ba si na se ba tokwile.

Mu si ke mwa ipuma ka ku teelezanga feela linzwi la Mulimu. Kono mu eze ze mu utwile.

U na ni litohonolo mutu ya tula miliko, kakuli ha s'a tuzi, u ta fiwa bupilo bo bu sa feli, ili mupuzo o sepisizwe ki Mulimu ku ba ba mu lata kaufela.

Mpo ye nde ni ye lukile kaufela i zwa kwa lihalimu, ku Mulimu Ndate ya ezize maseli a mwa mbyumbyulu, yo ku si na petuho ku yena kapa ya sa cinci.

Kakuli ya teeleza feela linzwi, a sa ezi se si laelwa ki lona, u swana ni mutu ya ipona mwa siiponi mi u bona mw'a inezi. Ha s'a iponi, i be wa zamaya, mi kapili u libala mw'a bonahalela.

Bulumeli bo bu hupulwa ki Mulimu Ndate kuli ki bo bu kenile ni bwa niti, ki ku tokomela lindiyala ni limbelwa mwa manyando a bona, ni ku ipabalela ku ze maswe kaufela za lifasi a si na koli.

Mutu h'a likiwa, a si ke a li, “Ki Mulimu ya ni lika.” Kakuli Mulimu h'a koni ku likiwa ki bumaswe, mi hape yena kasibili h'a liki mutu. Kono mutu u likiwa ha s'a hohiwa ni ku swasiwa ki takazo ya hae luli ye maswe.

Mulumeli wa mubotana u swanezi ku ikuhumusa, Mulimu h'a mu cimbula.