Popular Bible Verses from Maheberu 9

Share

Kamukwaoswana, Kreste ni yena u ezizwe sitabelo hañwi, ku zwisa libi za ba bañata. U ta bonahala lwa bubeli, isiñi ku t'o zwisa sibi, kono ili ku t'o pilisa ba ba mu libelezi.

Haiba mali ao a na ni tuso kwa ku kenisa, mali a Kreste bo! Ka Moya o Kenile wa kamita u ikezize sitabelo se si si na fo si nyazahala ku Mulimu. Mali a hae a ka lu lukulula kwa mizamao ya luna ye isa kwa lifu, a tapise maikuto a luna kuli lu kone ku sebeleza Mulimu ya pila.

Mañi ni mañi u swanezi ku shwa hañwi feela, mi mwamulaho, kihona a ta atulwa ki Mulimu.

Ka ku ya ka Mulao, ki niti, i bata i ba lika kaufela li bata ku keniswa ka mali, mi libi li kona ku swalelwa feela ha ku sululwa mali.

Kabakaleo, Kreste ki yena ya lukisa bulikani bo bunca, kuli ba ba bizizwe ki Mulimu ba fumane matohonolo a sa feli a sepisizwe ki Mulimu. Ze li ta ezahala kakuli ku bile ni lifu le li lukuluzi batu kwa bumaswe bo ba ezize, ha ne ba sa li mwatas'a bulikani bwa pili.