Popular Bible Verses from Maheberu 10

Share

Lu si ke lwa tuhela ku yanga kwa liputeho za luna, ka ku eza sina mo ba ezeza ba bañwi. Bakeñisacwalo lu susuezane hahulu sina ha mu ziba kuli Lizazi la Mulena li se li sutelezi.

A lu babalelaneñi, lu nze lu tusana mwa ku bonisa lilato ni ku eza ze nde.

Lu kumalele ka tata kwa sepo ye lu paka, kakuli lu kona ku sepa Mulimu kuli u ta buluka lisepiso za hae.

Mu lukela ku tundamena kuli mu kone ku eza tato ya Mulimu ni ku fumana s'a sepisize.

A lu suteleleñi fakaufi ni Mulimu, ka lipilu ze sepahala ni ka tumelo ya niti, ka lipilu ze fafalizwe ni ku keniswa kwa maikuto a maswe, ni mibili ye tapisizwe ka mali a mande.

Mu si ke mwa felelwa ki sepo ya mina, kakuli sepo yeo i ka taha ni mupuzo o mutuna.

Haiba lu zwelapili lu nze lu fosa ka bomu ha lu se lu zibile niti, fohe, ha ku sa na sitabelo se si ka zwisa libi. Lu siyalezwi feela ki ku saba se si ka lu tahela, ili katulo ni lyangalilo le li ta bulaya ba ba hanyeza Mulimu.