Popular Bible Verses from 1 Joani 3

Share

Bana ba ka, lilato la luna li si ke la ba la manzwi kapa lipulelo feela. Li swanezi ku ba lilato la niti le li iponahaza ka likezo.

Ha lu ziba seo lilato li li sona, ki ka se. Kreste u itombozi bupilo kabakala luna. Kamukwaocwalo, ni luna lu swanezi ku itombola bupilo bwa luna kabakala bahabo luna!

A mu bone lilato l'a lu latile Ndate ka lona! Lilato la hae ki le lituna, mane ka lona lu bizwa bana ba Mulimu, mi kaniti lu bana ba hae. Lifasi ha li sa lu zibi, libaka ki le. Kikuli ha li si ka ziba Mulimu.

Ya tundamena ku eza sibi ki wa Satani, kakuli Satani u ezize sibi ku zwa kwa makalelo. Mwan'a Mulimu h'a tile, libaka ki ku t'o sinya misebezi ya Satani.

Mutu kaufela ya li wa Mulimu h'a ezi sibi, kakuli maata a bupilo, a' zwa ku Mulimu, a ku yena. Hape kakuli Mulimu ki Ndat'ahe, h'a koni ku zwelapili a nz'a eza sibi.

Haiba mutu ya fumile a bona wahabo ya li njebwe, kono a sa isi pilu ku yena, yo u ka bulela cwañi kuli u lata Mulimu?

Mutu kaufela ya utwa litaelo za Mulimu u pila ku Mulimu, ni Mulimu u pila ku yena. Mi se si lu zibisa kuli Mulimu u ina ku luna ki Moya wa hae w'a lu file.

Ki ye fapahano ni bana ba Satani. Ufi ni ufi ya sa ezi se si lukile, kapa ya sa lati mwanahabo h'a si wa Mulimu.

Taba ye mu utwile i sa li kwa makalelo ki ye. Lu swanezi ku latana.

Cwale mu si ke mwa komoka, banabahesu, ha mu toiwa ki batu ba lifasi.