1
Romanonan 14:17-18
Papiamentu Bible 2013
Pasobra reino di Dios no ta kuestion di loke hende ta kome i bebe, pero di hiba un bida hustu, di tin pas i goso den Spiritu Santu. Esun ku sirbi Kristu di e forma akí ta agradá Dios i ta keda bon mirá serka hende.
Compare
Explore Romanonan 14:17-18
2
Romanonan 14:8
Si nos biba, ta pa Señor nos ta biba i si nos muri, ta pa Señor nos ta muri. Ke men, sea ku nos biba òf muri, ta na Señor nos ta pertenesé.
Explore Romanonan 14:8
3
Romanonan 14:19
P'esei anto nos mester buska ku afan loke ta kontribuí na pas entre ruman i nan kresementu komo komunidat di fe.
Explore Romanonan 14:19
4
Romanonan 14:13
Awèl, no laga nos sigui kondená otro. Al kontrario, tuma desishon ku bo no ta pone bo ruman trompeká òf kai den piká.
Explore Romanonan 14:13
5
Romanonan 14:11-12
Pasobra tin skibí: ‘Ami Dios bibu, ta hura bo ku tur hende lo hinka rudia pa Mi i proklamá públikamente ku ta Ami ta Dios.’ Ke men ku kada un di nos mester duna kuenta na Dios di su mes echonan!
Explore Romanonan 14:11-12
6
Romanonan 14:1
Aseptá un hende ku ta débil den fe i no diskutí kuné tokante opinion personal.
Explore Romanonan 14:1
7
Romanonan 14:4
Ken bo ta pa husga sirbidó di otro hende? Si e para firme òf kai, ta entre e i su Señor. I lo e para firme, pasobra Señor ta hasi esei posibel!
Explore Romanonan 14:4
Home
Bible
Plans
Videos