Popular Bible Verses from Mateo 5

Share

Niun hende no ta sende un lampi pa despues pon'é bou di un hèmber, ma ta pon'é riba un standart pa lusa tur hende den kas. Meskos asina, boso mester laga boso lampi bria pa otro hende, pa nan mira boso bon obranan i alabá boso Tata den shelu.

Boso ta lus pa mundu. No ta posibel skonde un siudat situá riba un seru.

Felis esnan kurason limpi; nan lo mira Dios.

Felis esnan ku hamber i set pa hustisia; Dios lo satisfasé nan.

Ma Ami ta bisa boso: Stima boso enemigunan i resa pa esnan ku ta persiguí boso.

‘Felis esnan humilde di kurason; reino di shelu ta pa nan.

Felis esnan ku ta trese pas; Dios lo yama nan su yu.

Felis esnan ku ta tristu; Dios lo konsolá nan.

Felis esnan ku sufri persekushon pa motibu ku nan ta kumpli ku boluntat di Dios; reino di shelu ta pa nan.

Felis esnan ku tene mizerikòrdia ku otro hende; Dios lo tene mizerikòrdia ku nan.

Felis boso ta ora hende zundra boso, persiguí boso i gaña tur sorto di kos malu riba boso pa mi motibu. Alegrá boso i keda kontentu; den shelu tin un rekompensa grandi pa boso. No ta asina mes nan a trata e profetanan, promé ku boso tempu?

Felis esnan mansu di kurason; nan lo haña mundu komo propiedat.

Boso ta salu pa mundu. Si salu pèrdè su stansha, kiko lo dun'é su stansha bèk? E no ta sirbi pa nada mas ku pa tira afó; hende ku pasa por trap'é numa.

Sea perfekto antó, manera boso Tata den shelu.

Laga bo sí ta sí i bo nò ta nò. Tur loke bo pone aserka ta bini di e malbado.

Boso a tende ku a bisa: “Wowo pa wowo, djente pa djente.” Ma Ami ta bisa boso: No pleita un kaso di inhustisia. Ken ku dal bo na banda drechi di bo kara, bira bo otro band'i kara i lag'é dal bo ei tambe.

Si bo wowo drechi pone bo kai den piká, sak'é tira afó. Pasobra mihó bo pèrdè un parti di bo kurpa, ku henter bo kurpa bai tirá den fièrnu. Si bo man drechi pone bo kai den piká, kòrt'é tira afó. Pasobra mihó bo pèrdè un parti di bo kurpa ku henter bo kurpa bai tirá afó den fièrnu.