Popular Bible Verses from Galatanan 5

Share

Pero loke Spiritu di Dios ta generá den hende ta amor, goso, pas, pasenshi, amabilidat, bondat, fieldat, humildat i dominio propio. E kosnan ei no ta bai kontra ningun lei.

P'esei mes mi ta bisa: Si boso laga Spiritu di Dios dirigí boso bida, boso lo no satisfasé boso mal deseonan.

Si ta pa medio di Spiritu di Dios nos ta biba, nos mester laga su Spiritu guia nos.

Esnan ku ta pertenesé na Kristu-Hesus, ya a krusifiká e hende pekadó den nan mes, huntu ku su pashon- i mal deseonan.

Ta bon kla kiko esnan ku ta sigui nan mal deseonan ta hasi. Nan ta kometé akto di inmoralidat, nan ta hasi kos impuru i ta biba un bida parotin; nan ta adorá dios falsu i praktiká bruheria; nan tin un aktitut hostil, nan ta trese pleitu i ta envidiá otro hende. Nan ta kla pa rabia, nan ta buska nan mes probecho i ta trese desunion i partidismo. Nan ta hende yalurs, buraché, parandero i otro kos semehante. Mi ta atvertí boso manera mi a hasi un bia kaba: esnan ku komportá nan asina lo no tin parti den reino di Dios.

Rumannan, boso ta yamá pa ta liber. Pero no usa e libertat ei pa entregá boso mes na mal deseo. Mas bien sirbi otro pa medio di amor.

Pasobra mal deseo ta bringa Spiritu di Dios i E ta bringa nan! Esun ta bai kontra di e otro, ke men ku boso no por djis hasi loke boso ke!

Pasobra por resumí henter Lei di Moises den esun mandamentu akí: ‘Stima bo próhimo manera bo ta stima bo mes.’

Nos no mester ta arogante, ni provoká ni envidiá otro!

Kristu a duna nos libertat pa hasi nos liber di bèrdat; p'esei para firme den e libertat ei i no bolbe someté boso na yugo di sklabitut.