Popular Bible Verses from Proverbionan 13

Share

Es ku anda ku hende sabí ta bira sabí, pero ai di esun ku ta amigu di hende bobo.

Es ku kontrolá su palabranan ta kontrolá su mes, es ku papia pa loko ta ruiná su mes.

Hende ku nunka no suta nan yu, no ke e yu bon, hende ku sòru di straf nan yu, ta stim'é.

Spera enbano ta pone kurason sufri, deseo kumplí ta bida largu.

Hustisia ta tene hende rekto riba bon kaminda, piká ta pone pekadó bai pèrdí.

Plaka hañá na un manera fásil i deshonesto ta bula bai, hende ku spar plaka pokopoko ta bira riku.

Hende orguyoso ta provoká pleitu, hende ku tuma konseho ta sabí.

Te asta ñetunan di un bon hende lo heredá di dje, rikesa di mal hende ta keda akumulá pa al fin i al kabo kai den man di hende hustu.

Un yu sabí ta aseptá korekshon di su tata, un chèrchadó no ta hasi kaso ora hala su atenshon.

Es ku despresiá konseho ta hañ'é ku pobresa i bèrgwensa, es ku aseptá korekshon ta keda respetá.