Popular Bible Verses from Lukas 7

Share

P'esei laga Mi bisa bo: el a haña pordon di piká; p'esei e ta demostrá hopi amor asin'ei. Esun ku haña pordon di tiki piká, ta stima poko.’ Despues Hesus a bisa e muhé: ‘Bo pikánan ta pordoná.’

Ma Hesus a sigui bisa e muhé: ‘Bo fe den Mi a salba bo, bai na pas.’

E muhé a keda pará patras, na banda di Hesus su pia; el a kuminsá yora i su awa di wowo a muha Hesus su pia. E ora ei e muhé a seka Hesus su pia ku su kabei, sunchi nan i hunta nan ku e perfume.

P'esei tampoko mi no a konsiderá mi mes digno di bini serka Bo; djis bisa un palabra i mi kriá lo kura. T'asina ku mi tambe ta un hòmber bou di outoridat di mi superiornan i ami tin sòldá bou di mi. Si mi bisa un di nan: “Bai!”, e ta bai; i un otro mi ta bisa: “Bini!”, anto e ta bini tambe. Mi ta bisa mi kriá: “Hasi tal i tal kos!”, i e ta hasié tambe.’ Ora Hesus a tende esaki, El a keda asombrá pa loke e hòmber a bisa i El a bira wak e multitut ku tabata siguiÉ i bisa: ‘Mi ta bisa boso: ni na Israel mi no a haña un fe grandi asina.’

Na e momento ei Hesus tabata kura hopi hende di nan enfermedat i sufrimentu i hende poseé, i E tabata duna hopi siegu bista. El a kontestá e disipelnan di Huan asin'akí: ‘Bai konta Huan loke boso a tende i mira: siegu ta mira, hende lam ta kana, leproso ta kura, surdu ta tende, morto ta lanta i e bon notisia ta prediká na hende pober.