Popular Bible Verses from Nyanra Njekawkulege 1

Share

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Jésu ile de dè’t ede nè: – E tà le si sei le ger ndɔ’n se kàde’n ke Bɔ’m ɔje se go tɔgmong le’n è kuwe nga lé.

Ndɔ karé bè, Jésu ndi se de nan’t tà nyankuse’t, è unn ndu’n ade de le kade d’inye ɓee-bò ke Jérusalem d’aw rang lé. E ede de ede nè: – I ndii Jérusalem nè kuwe i nginei ndukunn le Bɔ’m ke ndɔ ke m’ede sei tà’n kété nga. Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Loo ke Jésu in à aw ke danrán nga, njékawkulege an-in goo’n sikm. An! dingemge joo undei loo teei ndai se kubuge ke nda káng-káng ra de’t. Ei deji njékawkulege nga edi nè: – Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.