Popular Bible Verses from Pe eya 49

Share

Calaŋ plando mbo maŋge ne vuwal pe ge Yuda ne tok go to bat, calaŋ ge gan ne mbo kat ɗaɗak na vuwal pe go, ɗiŋ bage ne mbya ame na mbo ya ne ɓya. Pehir ma pet a mbo gwan ne bama pala na pe se.

Yusuf a uwara ɗufiya ge ne ɗḭ ne mam wak go ne, na tok ma rubi ɗiŋ gulum ga̰l pala digi. Naa ge mbal kajamle ma ɓyare na fare, a mbá na ne bama kajamle ma, a terse na.

Amma na sḛ wa̰ na kajamle ndindiŋ, na biyal ma ka pool ŋguŋgu, ne pool ge Bage pool pet ge Yakub ne, mo saŋge bage koyya, njal ge Israyela ne. Tok pool ge Dok ge mo bá ne, na só mo ko̰r, Bage pool pet na é mo na wak busu, na sugi mo bobo ma ne digi zi ya, na ho̰ mo bobo ma ne suwar se digi me, na ho̰ mo hir, na zuli mo kavaar ma se me.

Yuda, mo ná vya ma mbo uware mo. Mo tok mbo kat mo naa ge ho̰l ma baŋgay pe go. Mo bá vya ma mbo gur bama koo ma mo ndwara se. Yuda sonne bool ne. Mbi vya, mo jyat da ne mo swaga wan kaŋ ya! Yuda syal na koo se fiya dimma ne sonne pool go, dimma ne sonne ná go, a wuɗi day e na ɗage digi ne ɗaa?

Ruben, mo ge mbi vya pul soy, mo ge mbi ne e pe tol mo, mbi gale ne mbi pool, ne mbi ndaar jyan. Mo waɗe mo ná vya ma waɗe ne pool ne pateya me, mo julili julili dimma ne maŋgaɗam go. Mo mbo kat naa ndwara zḛ to bat, ne da pe, mo fí ne mo bá gwale, go mbe no, mo be hon mbi swaga fiya hormo to, ne mo ne fí ne mbi gwale pe.