Popular Bible Verses from Mattêuse 19

Share

Jêsusible takusarlugit oᴋautivait: Inungnut ajornarpok, Gûdemulle tamaita ajornangilat.

Tamanna pivlugo maggôjungnairlutik, uviniovuk atautsemik. Gûdib katititâgik inub avititaksaringilak.

Kiovaille oᴋautivlugillo: Atuarsilaungilasê? Inungnik pingortitsijub kiglinganit pingortipak angut atausênak, arnarlo atausênak (illagêᴋovlugik). Oᴋarlunalo: Tamanna pivlugo angutib atâtane anânanalo ᴋemangniarpak, nuliane ungagivlugo, tâpkoalo maggûk uvinioniarpuk atautsemik.

Jêsusele oᴋarpok: Nutakᴋat uvamnut pilit, inerterasigiglo, tâpkoa, Gûdib nâlegauvinga pigingmatsuk.

Unuktulle sivorlît kingorliojomârput, kingorlîllo sivorliojomârput.

Inub iglune ᴋemakuniuk, ᴋatangutinelônêt, atâtanelônêt, anânanelônêt, nulianelônêt, ᴋitornganelônêt, perorsêvinelônêt, attera pivlugo; 100 ertorlugit pijomârivait, kingormgujivlunalo inôtsemik nungusuitomik.

Jêsusib oᴋautivâ: Idluartôjomaguvit, perᴋutitit tamaita niorvgotigijartokit, aklujunullo piliutigivlugit, tagva perᴋuteᴋarniarpotit ᴋilangme; ᴋailerillo malinga!

Oᴋautivâle: Sôk ajunginerarpingâ? Ajungitoᴋangilak, Gûde kissime ajungilak. Inôtsemulle iteromaguvit, perᴋojat malingniakit!

Ama oᴋautivapse: Ajornanginarsauvok nergjutsoak kamêle merᴋutib ijingagut pilune, akluitub iterniarninganit Gûdib nâlegauvianut.

Oᴋaupapsele: Nuliaminik avitsijub (angunialaungipat) assianiglo nulianiklune, nuliarêngnek asserorpâ. Avitamiglo nulianiktub nuliarêngnek asserorivâ.

Jêsusible ilinniartine oᴋautivait: Âhamarik oᴋaupapse, akluitok nâlegauvingmut ᴋilangmêtomut pilune sapernakasakpok.