Popular Bible Verses from Dànì Kèhoį̀wo 50

Share

Sets'ǫ̀ hoìla eghàlaahda gha aaht'ı̨ ı̨lè, hanìkò wet'à gogha nezı̨į̀ hòɂǫ gha Nǫ̀htsı̨ ayį̀į̀là, dǫ łǫ edaxàgole gha ayį̀į̀là.

Hanìkò Joseph gots'ǫ̀ hadı, “Sets'àahjı̨-le. Nǫ̀htsı̨ wetł'axǫǫ̀ whıhda nıìle.

Eyıt'à t'asìı ghǫ dahjı̨-le. Naxık'èhdì ha eyıts'ǫ naxıza sı gık'èhdì ha,” gòhdı. Joseph hanì yatı nezı̨ı̨ t'à gıdzeè nàtsoò agǫ̀ǫ̀là.

‘Joseph wets'ǫ̀ dıı haahdı nǫǫ̀, gòhdı ı̨lè: Nı̨ı̨de dànì nets'ǫ̀ hoìla eghàlagı̨ı̨dàa sìı gıhołı̨į̀ gıghǫ nahoı̨le,’ hanèts'edı ha gòhdı ı̨lè. Eyıt'à goxı̨ netà Wenǫ̀htsı̨ wecheekeè ats'ı̨ı̨t'ee sìı gohołı̨į̀ goghǫ nahoı̨le gha neghǫnàdats'eetì,” gıìhdı. Yatı hanıı Joseph danègı̨ı̨ɂǫ ekò Joseph wegha dìì agòjà t'à ı̨ı̨tsè.

Eyı tł'axǫǫ̀ Joseph edı̨ı̨de gots'ǫ̀ hadı, “Hòt'a ełaehwhı ha nìkw'o. Hanìkò Nǫ̀htsı̨ naxıts'àdı ha hǫt'e. Jǫ nèk'e ts'ǫ xànaxeewa ha, Kanan nèk'e ts'ǫ̀ anaxele ha. Abraham, Isaac eyıts'ǫ Jacob xè yatı nàtsoo whehtsı̨ı̨ sìı k'ę̀ę̀ eghàlaeda ha,” gòhdı.

Joseph, Israel weza yatı nàtsoo gèhtsı̨į̀ agǫ̀ǫ̀là, hadı, “Nǫ̀htsı̨ ekǫ nèk'e ts'ǫ̀ xànaxeèwa nı̨dè sekw'ǫǫ̀ jǫ nèk'e gots'ǫ edexè ahłe gha naxıyatıì seghàahɂà,” gòhdı.

Eyıt'à Joseph ı̨łèakw'eènǫ-daats'ǫ̀-hoònǫ (110) weghoò ekò ełaı̨wo. Yìk'eetł'òo t'à wekw'ǫǫ̀ segı̨į̀la gà Egypt nèk'e wekw'ǫǫ̀ whetǫ agı̨į̀là.