Popular Bible Verses from Dànì Kèhoį̀wo 49

Share

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

“Joseph tı gà jìechochı̨į̀ dehshe lanì; wek'e jìecho łǫ, wekw'ıhchı̨į̀ nedè ts'ǫ̀ dehshe ha. Dǫ yedzagı̨ı̨hwhǫǫ sìı k'į̀ t'à gıhtà.

Hanìkò Jacob Wenǫ̀htsı̨ t'asìı wegha dìì-le sìı yets'àdı, eyıts'ǫ Israel wets'ǫ Kwe Nàtsoo yexoehdı t'à, Joseph wegǫ̀ nàtsoo hòèlı̨ xè k'į̀ t'à ehkw'ı eehtà. Netà Wenǫ̀htsı̨ nets'àdı ha, Nǫ̀htsı̨ t'asìı wegha dìì-le sìı yat'a gots'ǫ chǫh eyıts'ǫ dèè gotł'a ts'ǫ tı t'à nexè sìghà ayele ha, tıts'aàdìı łǫ eyıts'ǫ chekoa łǫ neghàyele ha.

“Judah, nı̨ sìı nechı eyıts'ǫ nı̨ı̨de neghàsǫgeedı ha. Dǫ nets'ǫ̀ ełegegǫǫ sìı gıghǫı̨hnè ha. Netà weza gı̨ı̨lı̨ı̨ sìı nets'ǫ̀ nàgògehgè ha. Judah, seza, goìjìıcho nàtsoo lanet'e. T'asìı ełeneehwho gots'ǫ nǫneetła nı̨dè dèe k'e k'edeɂà xè whetı̨ı̨ lanet'e. Nıìtła gha dǫ wı̨ı̨zìı nek'alawo ha nıìle.

“Ruben, nı̨ t'aa t'akwełǫ̀ǫ̀ negǫ̀hłı̨ı̨ anet'e, set'ı anet'e, negǫ̀hłı̨ t'à nàhtsoò asììdlà, denahk'e nezı̨į̀ nets'ǫ̀ nageɂa, denahk'e nànetso. Hanìkò tı nàtsoo k'etaetı̨ı̨ lanet'e. Sets'èkeè wet'ànet'ı̨ xè sedaèhte k'e hołı̨ı̨ k'ę̀ę̀ eghàlaneedà t'à denahk'e nelı̨ ha-le.