Popular Bible Verses from ROMANOS 9

Share

Bi' cha' laca cha' si'i na ndu'ni clyu ti' ycui' Ndyosi ji'na xqui'ya cha' nu ndiya ti ti' na ji'i̱ Ni, si'i na ndu'ni clyu ti' Ni ji'na xqui'ya cha' nguula tsa ndyu'ni na cña ji'i̱ Ni; laca cha' tya'na ti ti' Ni ña'a̱ Ni ji'na, bi' cha' ngua'ni lyaá Ni ji'na.

Nde laca cha' nu nda Ni lo'o Moisés tya sa'ni la: “Cua ña'a̱ ca ñati̱ nu nti' na' cua'ni tya'na ti' na' ji'i̱, bi' laca ñati̱ nu cua'ni tya'na ti' na' ji'i̱”, nacui̱ Ni. “Tso'o nti' na' ña'a̱ na' ji'i̱ cua ña'a̱ ca ñati̱ nu ntsu'u tyiquee na' ña'a̱a̱ ji'i̱.”

Pana na nu laca na ñati̱ chalyuu ti, ná tso'o si xlyú na cha' jua'a̱ hichu̱' ycui' Ndyosi. Ñi'ya̱ laca sca quityu̱' ni, ná nchca ji'i̱ quityu̱' bi' xlyú cha' hichu̱' ñati̱ nu ngüiñá ji'i̱ lo'o yuu; ná nchca chcui' quityu̱' bi' ndi'ya̱: “¿Ni cha' laca ngüiñá nu'u̱ jna' jua'a̱?”

Ca cuayá' ti' na li', cha' tya'na ti' Ni ña'a̱ Ni ji'i̱ cua ña'a̱ ca ñati̱ nu nti' Ni cua'ni tya'na ti' Ni ji'i̱; jua'a̱ ndacu̱' Ni cha' ji'i̱ cua ña'a̱ ca ñati̱ nu nti' ti Ni tacu̱' Ni cha' ji'i̱, cha' nga'aa cuna ngu' cha' ji'i̱ Ni.

Ntsu'u chacuayá' ji'i̱ cuityi yuu cha' cuiñá ma' na laca nu nti' ma' cuiñá ma' lo'o yuu ji'i̱. Taca ji'i̱ ma' cuiñá ma' sca quityu̱' tso'o nu quiña'a̱ nga'a̱, lo'o jua'a̱ taca ji'i̱ ma' cuiñá ma' sca quityu̱' nu canta' ti ña'a̱, si jua'a̱ nti' ma'; masi lo'o la cui' tya'a yuu ndya' nu tso'o bi', lo'o jua'a̱ ndya' nu canta' ti bi'.