Popular Bible Verses from SAN MATEO 12

Share

Ta na' sca cha' lo'o ma̱ juani: nu lo'o tyalaa tsa̱ nu cua'ni cuayá' ycui' Ni ji'i̱ lcaa ñati̱, li' ntsu'u cha' cacha' lyiji ycui' ca ngu' ji'i̱ lcaa cha' cuxi nu cua nchcui' ngu' nde chalyuu. Li' cui'ya Ni cuentya ji'i̱ lcaa cha' nu cua nchcui' ma̱ chalyuu; ñacui̱ Ni ji'i̱ ma̱ si ntsu'u qui'ya ji'i̱ ma̱ lo'o ycui' Ni, jua'a̱ si ná ntsu'u qui'ya ji'i̱ ma̱.

Pana, ¡ñi'ya̱ nti' cuaña tyaala, jua'a̱ nti' cu'ma̱! Ná nchca chcui' ma̱ cha' tso'o laja lo'o ntsu'u tsa cha' cuxi tyiquee ma̱; ñi'ya̱ nu ntsu'u tyiquee scaa na, jua'a̱ ndyu'u cha' nu nchcui' na.

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee, cuxi ti nchcui' ngu' bi' li'.

’Bi' cha' ndacha̱' ji'i̱ ma̱ juani cha' taca cui'ya ycui' Ni cha' clyu ti' ji'i̱ ñati̱ xqui'ya lcaa qui'ya nu ntsu'u ji'i̱ ngu', masi cuxi tsa nchcui' ngu' ji'i̱ ycui' Ni; pana lo'o cuxi tsa nchcui' ngu' ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' tsiya' ti.

’Sca yaca ni, si tso'o yaca, ta si'yu tso'o li'; lo'o jua'a̱ si ná tso'o yaca, ná ta si'yu nu cacu na li'. Jlo ti' na si tso'o yaca lo'o ña'a̱ na si'yu nu nda yaca bi'.