Popular Bible Verses from SAN LUCAS 17

Share

Li' nchcui' Jesús lo'o nu qui'yu bi': ―Tyatu̱ nu'u̱ cha' tyaa nu'u̱ juani ―nacui̱―. Cua ngua tso'o nu'u̱ juani cha' jlya ti' nu'u̱ cha' nu nda na' lo'o nu'u̱.

masi cati quiya' ta yu cha' ñasi̱' ti' ji'i̱ ma̱ sca tsa̱, lo'o cati quiya' ca̱a̱ yu cha' chcui' yu lo'o ma̱: “Cui'ya ma̱ cha' clyu ti' jna', nga'aa cua'ni na' jua'a̱ juani”, ñacui̱ yu, li' nga'a̱ cha' cui'ya ma̱ cha' clyu ti' ji'i̱ yu.

Bi' cha' nguxtyu̱u̱ tsaca yu quicha bi', cui̱i̱ tsa nchcui' yu ndyu'ni chi̱ yu loo ycui' Ndyosi. Li' ndyatu̱ sti̱' yu slo Jesús, ndyaa stii yu lo yuu nde loo yu cha' ndya yu xlya'be ji'i̱ Jesús. Ngu' Samaria laca yu bi', ngu' xa' tsu' laca yu.

’Cui'ya ma̱ cuentya si cua'ni sca ngu' tya'a ndya'a̱ ma̱ sca cha' cuxi lo'o ma̱. Li' chcui' ma̱ lo'o yu cha' nga'aa cua'ni yu cha' cuxi bi' lo'o ma̱. Lo'o si tya'a̱chu̱' yu ji'i̱ cha' cuxi bi', cua'ni ma̱ cha' clyu ti' ji'i̱ yu li'

Li' nacui̱ Jesús: ―¿Ha si'i tii tya'a ngu' nu ndyatsu' cuaña' ngu' ndyaca tso'o ngu' tsa̱? ¿Mala ngua nu chaca caa tya'a ngu' bi' juani?

―Jlo ti' ma̱ cha' piti tsa sca si'yu cuxee ―nacui̱ Jesús ji'i̱ ngu'―, lo'o jua'a̱ cu'ma̱ ni, ná quiña'a̱ tsa cha' nchca ji'i̱ ma̱. Pana masi xti ti cha' jlya ti' ma̱ ji'i̱ ycui' Sti na', taca ñacui̱ ma̱ ji'i̱ yaca quityi re: “Tyu'utsu' nu'u̱ ca su ndu̱ re, yaa nu'u̱ tyu̱ nde lo hitya tyujo'o”. Lo'o li' ña'a̱ ma̱ cha' taquiya' yaca bi' cha' nu cua nchcui' ma̱ lo'o.

Chcuna' chalyuu ji'i̱ ma̱ si xcui' nclyacua tsa ti' ma̱ ñi'ya̱ nu caca ji'i̱ ycui' ca ma̱; pana quije chalyuu ji'i̱ ma̱ si tyaja'a̱ ma̱, masi cujuii ñati̱ ji'i̱ ma̱ xqui'ya na'.

Chaca quiya' nchcui' Jesús lo'o nu ngu' nu ndyaca tsa'a̱ ji'i̱: ―Ntsu'u tsa ngu' nu nchcui' lo'o na cha' cua'ni na sca cha' cuxi, pana tya'na tsa sca ñati̱ nu ndatsaa ji'i̱ tya'a cha' cua'ni cha' cuxi lo'o. Tso'o la si tsaa ngu' xcua̱a̱ ngu' ji'i̱ yu lo tyujo'o lo'o sca quee quichi tyaaca̱' yane yu, cha' nga'aa caja ñi'ya̱ nu tatsaa yu ji'i̱ ni sca ñati̱ ñi'ya̱ nti' nu sube re, cha' cua'ni ngu' cha' cuxi lo'o yu.

Ñi'ya̱ ngua ji'i̱ ñati̱ nu nguti'i̱ chalyuu sa'ni la, tya'a stu'ba ngu' lo'o jyo'o Noé bi', jua'a̱ caca ji'i̱ ñati̱ chalyuu lo'o chaca quiya' tya̱a̱ na' nu lijya̱a̱ cha' caca na' ñati̱. Tya'a stu'ba jyo'o Noé bi' ni, ngua'ni ngu' ta'a, ndyacu ngu', ndyi'o ngu', ngujui clyo'o ngu'; tsa bi' ti cha' ndube ti' ngu' ña'a̱ cuayá' nu ndyalaa tyempo ngüiñá nu Noé bi' yaca ni'i̱ tonu. Li' ndyatí̱ yu ne' yaca ni'i̱ bi' lo'o lcaa na nu ntsu'u ji'i̱ yu. Lo'o li' ngua'ya tyo clyaa bi', ndye ñati̱ chalyuu ngujuii ngu'.