Popular Bible Verses from Songs 25

Share

Show me how fo live da true way, An teach me stuff I need fo know. Cuz you da God fo me, Da One dat get me outa trouble. All da time, I know fo shua you goin help me. Az why az okay fo me wait.

Show me da diffren ways you do stuff. Teach me how fo ack jalike you ack.

Da peopo dat feel jalike dey sked an shaking Wen dey stay in front Da One In Charge, Dey stay real close to him, Cuz he like make shua dey undastan Wat da deal mean dat he wen make wit dem.

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!