Popular Bible Verses from Songs 24

Share

Da One In Charge, he own Da whole world an eryting dea. He own da land An all da peopo dat live dea.

Da prieses tell: “Dat awesome King, who him?” Da peopo tell: “Az Da One In Charge, Da God Ova All Da Armies, Him, he da awesome King!” (Time out fo da music.)

Da peopo tell: “Wat kine peopo Get da right Fo go up da mountain Wea Da One In Charge live? Wat kine peopo get da right Fo stan inside his spesho Temple?” Da prieses tell: “Ony da kine peopo Dat do good an tink good can go dea, Jalike dey get clean hands An stay clean inside. Da ones dat no like show Love an respeck Fo da wase time kine idol gods, An wen dey make one promise, Dey no bulai bout him.

Da prieses tell: “Dat awesome King, who him?” Da peopo tell: “Az Da One In Charge! An he strong an know how fo fight. Az Da One In Charge! He know how fo win da war.”