Popular Bible Verses from Smart Guys 31

Share

Get wahines dat talk nice to you, But az all bulai. Get wahines, dey good looking, But fo ony short time. Da kine wahine dat stay sked fo no do wat Da One In Charge tell, Az good, erybody tell good tings bout her.

Wen you look at her, you can tell awready She stay strong inside An peopo get plenny respeck fo her. Wen peopo tell her bad stuff goin happen bumbye, She ony laugh, cuz she no sked. Wen she talk, she show dat she know wat fo do erytime. Wen she teach, she show aloha erytime.

She put out her hands fo show her aloha Fo help da peopo dat no mo notting. An fo help out da peopo dat stay suffa.

Da good kine wahine dat stay strong inside, Wea you can find dat kine wife? Her, worth way mo den plenny ruby stones.

Good you guys give her plenny good stuff From all da hard work she do! Good all da importan peopo from ery place, tell how awesome she stay, Cuz dey know bout all da stuff she do!

Da kids go tell erybody, “Oua muddah, She erytime do good tings! Az why she stay good inside.” Her husban, he tell erybody she da bestes too.