Popular Bible Verses from San Lucas 17

Share

Nach gož Jesúsen' bena': ―Bezoža' beyej to šagüe' to güen. Ba beyacdo' da' chejnilažo' neda'.

Ḻa'czḻa' gaž ṉi'a lao tža gone' da' mal contr beṉe' ḻježen', še gaž ṉi'ate ṉe': “Ba betiṉjda' c̱he dan' benan', bezi'xen c̱hia'”, na' cheyaḻa' yezi'xene' c̱he'.

Nach toe' cate' gocbe'ede' bac̱h beyaque', na' bebi'e na' gwṉie' zižje benxene' Diosen', na' bzoa xibe' lao Jesúsen' bi'e ḻe' yeḻa' chox̱clen. Ben' ben ca' naque' to beṉe' Samaria.

Da'nan' ḻe gwsaca' cont bi gonḻe ga lažo' beṉe' gone' da' xiṉj. ’Na' še to beṉe' ḻježle gonde' le'e mal, ḻe tiḻe' na' še gwše'e xbab na' ṉe' bich gone' ca', ḻe yezi'xen c̱he'.

Nach gwna Jesúsen': ―Beyona' ši beṉe'. ¿Gaṉxe beṉe' ca' yega?

Nach gož X̱anchon' ḻegaque': ―Xsa yag xomdas naquen da' dao' riz, na' ḻa'czḻa' dan' chejnilaže'le Diosen' naquen ca to xsa xomdas lagüe dan' bi chejnilaže'teclne', še šejnilaže'lne', guaque ye'le yag nga: “Gwcuase nga na' jayzoa ḻo' nisdaon'”, na' guaccze can' nalna'.

Note'tez beṉe' chacde' gone' cont cbi saca'zie' o cont nono yesot ḻe', bena' cuiayi'. Na' note'tez beṉe' chzanḻaže' cuine' saca'zie' o gate' ṉe c̱hia' neda', ba de yeḻa' mban c̱he' toḻi tocaṉe.

Na' gož Jesúsen' beṉe' ca' zjanaque' ḻe' txen: ―Decze da' gonen cont lažo' beṉe' yesone' da' xiṉj, perw nyaše'chguaze gac c̱he beṉe' chone' cont beṉe' yoble yesone' da' xiṉj. Yejṉi'a šaca' yosoc̱heje' yene' to yiše na' šjasezaḻe' ḻe' ḻo' nisdao' clel ca soe' gone' cont to beṉe' za' gwzolagüe' chejnilaže' neda' lažoe' gone' da' xiṉj.

Ḻecz ca' goc ca tiemp c̱he da' Noé, ḻecze ca' gac cate' ba zoa žin ža yida' da' yoble, neda' naca' ben' gwseḻa' Diosen' golja' beṉac̱h. Beṉe' gwnita' ca tiemp c̱he da' Noén' gosaše' gose'ej gosagüe' goso'elaže' bosošagne'e na' bosošague' na' no xi'iṉ c̱he' cate' bžin ža gwyo'o Noén' ḻo' barcon'. Nach goc to yejwsio' juisyw. Na' gosebiayi' yogo' beṉe' ca' bi goso'o ḻo' barcon'.