Popular Bible Verses from Salmos 91

Share

Heˉja̱ˉ jwɨɨnꜚ DSAˉJØ̱Ø̱Hˈ kya̱a̱nꜙ: “Hneˉ la̱a̱hꜗ oˉjø̱hꜙ dsëˉ kinꜙ, hneˉ kwahˉ jeeˊ saꜙ hiiꜘ gooˉ kinꜙ. Kyahꜗ hneˉ baˊ Dio kya̱a̱nꜙ kye̱nˊ oˉjø̱hꜙ dsëˉ.”

Hi̱ˉ hä̱ä̱ˊ gooˉ hi̱ˉ gyaꜗ gyʉʉhˈ, maˉgyayꜗ chaˊnehꜙ kihꜗ hi̱ˉ chaˉ gaꜙläꜙjëꜙ beꜘ kihꜗ.

Waˊraˉ gaꜙtëꜘ jeeˊ chu̱u̱yˈ kya̱a̱hˊ jnäꜘ, je̱e̱hˊ baˊ jnäꜘ kiyhˈ, kwaˋ baˊ jnäꜘ beꜘ kiyhꜗ maˊ cha̱a̱yˉ heˉ wɨɨꜘ. Lä̱ä̱ˊ jnihꜘ hiꜙ lla̱a̱ꜚ jnihꜘ jø̱ø̱hˈ.

Hñiiyꜘ kwa̱a̱yꜗ ángele kya̱a̱yꜗ hi̱ˉ hä̱ä̱ꜗ hneˉ läꜙka̱a̱ˉ jeeˊ ngëhˉ.

Ta̱a̱yhꜙ hneˉ nehꜙ taˉkyooyꜘ, mahꜗ läꜙja̱ˉ saꜙ hɨɨꜗ gooˉ kyahꜗ. Hiꜙ miˉteyꜗ kya̱a̱hˊ juꜗdsooꜘ kiyhꜗ, heˉ ja̱ˉ laꜗ kyahꜗ läꜙko̱hꜘ ñeˈ heˉ hɨɨˉ dsaˉ jeeˊ lä̱ä̱˜ hñiiꜘ.

Jëëhꜘ, maˉjmeehˊ baˊ hneˉ kwa̱a̱t˜, DSAˉJØ̱Ø̱Hˈ jnänˋ la̱a̱ꜗ oˉjø̱hꜙ dsëˉ kyahꜗ. Kihꜗ hi̱ˉ gyaꜗ gyʉʉhˈ maˉjmeehˊ hø̱ø̱hˈ jeeˊ lä̱ä̱hꜘ. Niꜙ ko̱o̱ˉ heˉ hlɨɨhˈ saꜙ jäꜙ nëˊ kyahˈ, niꜙ ko̱o̱ˉ dsooˊ saꜙ të̱ë̱hꜗ hneˉ.

Hñiiꜘ bihꜗ lä̱ä̱yꜗ hneˉ kihꜗ hi̱ˉ hɨɨˉ saˊläꜘ, hiꜙ kihꜗ hi̱ˉ hnøøꜗ jngëëhꜗ hneˉ.

Maꜙkeꜙ gaꜙsa̱a̱ꜗ naˉju̱u̱ˊ ko̱o̱ˉ mil dsaˉ kooꜘ kyahꜗ hiꜙ gya̱a̱ꜗ mil gaꜙsa̱a̱ꜗ jwooˈ raˉllu̱u̱ꜗ, pero kyahꜗ hneˉ saꜙ chaˉ heˉ leꜘ niꜙ miihˉ.

Läꜙja̱ˉ saꜙ läꜙga̱hꜗ kya̱a̱hˊ heˉ hiiꜘ gooˉ hwëˈ, niꜙ kya̱a̱hˊ flecha heˉ jwä˜ dsaˉ jmɨɨˈ, niꜙ kya̱a̱hˊ dsooˊ heˉ jngɨɨhꜙ kihꜗ dsaˉ taꜙlaꜙ hwëˈ, niꜙ heˉ jngɨɨhꜗ kihꜗ dsaˉ jmɨɨˈ hiiꜘ hyooˉ.