Popular Bible Verses from Lucas 2

Share

Quewaꞌ ja utzlaj tzij ja ncꞌamonto chewe riꞌ, ja camic cꞌo jun Toꞌonel ewxin cꞌa xalaxi, pa Belén xalax wiꞌ ja bar xalax wiꞌ ja rojer rey David. Ja cꞌa Toꞌonel arjaꞌ ja Cristo ja kajaw.

Pro bix chique rmal ja ángel: —Ma texbej ta ewiꞌ, tecꞌwaxaj mpeꞌ ja xtinbij chewe riꞌ como anin cꞌo jun utzlaj tzij ja ncꞌamonto chewe, jun utzlaj tzij janila quicotemal rcꞌamonto chique ja winak pro ni canojelal.

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

Ja cꞌa Jesús junaꞌ junaꞌ xa janiꞌ penak más ja rnaꞌoj, ni rchapon wiꞌ qꞌuiyem in más chi na utz ntzꞌa̱t rmal ja Dios in cumal ja winak chakajaꞌ.

Ja tok xtewilaꞌ ja ti yaquiꞌ quewaꞌ banon tre riꞌ, baron pa tziak in cotzꞌban pa quiwabal chicop jariꞌ retal ja nbij can chewe, neꞌe ja ángel chique.

Ecꞌo cꞌa juleꞌ yukꞌul tak carnelo, triꞌ ecꞌo wiꞌ chinakaj ja tinamit Belén, quimajon quichajixic ja tak carnelo chakꞌaꞌ pa tak kꞌayis. Chaka cꞌa jalal ja tok cꞌo jun ángel winakar chiquewach takonto rmal ja kajaw Dios in cꞌoli ja gloria rxin ja kajaw Dios quetzꞌat, ntajini nuqꞌuiak riꞌ chiquij, congana quixbej quiꞌ rmal.