Popular Bible Verses from Zenezi 35

Share

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za. Tawamhã Abra'ãhã ma, duré Izaquihi ma, ti'a te isõmri hã, ta hã aima zama wa za oto tisõ. Taha parimhã wa za asihudu norĩ ma tãma sõmri za'ra, ai'uirĩ na.”

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

te ãne tãma tinha: “A hã Zaco na asisi tô. Tane nherẽ, ãne hã oto asisi õ di za. Asisi hã za oto Izaraéu na.” Ãne 'Re ihâimana u'âsi mono, ma tô Izaraéu na sisi.

Tawamhã Zaco te uburé isõrõwa 're, 're ihâimana za'ra mono norĩ ma nharĩ za'ra, ãne: — Wasiré a'uwẽ'õ norĩ te, ihâiba'õ norĩ ma, romhâibarĩ na ãma 're idawata za'ra mono hã aima ihâimana za'ra wa'wa hã, te za asiwi isãmra 'wa. Ma'ãpé asipese za'ra wa'aba. Duré da'uza ihâi uptob'õ na te za asi'uza za'ra wa'wa.

Tawamhã 'Re ihâimana u'âsi mono, Zacoho ma, te ãne tinha: — Ma'ãpé asima rob'ubumro na, Bétéu u apâ aimorĩ da, tame 're aihâimana mono da. Tame te za ẽtẽ za'ra ĩma danhoprubzé zata zéb da hã ĩma i'manha, wa hã 'Re ihâimana u'âsi mono, adub'rada Ezauhu wi aimani wa, aima ĩsihâi'ré ma.

Tane nherẽ, tãma irob'rãsutuzéb u hã romhuture di oto. Tawamhã ipẽ'ẽzani tiwi watobro wana ré, ma tô sisõ'a ré ti'ra si'watébrémi sisi, Benoni na. Tane nherẽ, imama ma tô sisi, Bẽzami na.