Popular Bible Verses from Zenezi 32

Share

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Tawamhã aibâ, te Zacoho ma tinha ãne: — Ĩma asimirẽme, ĩmorĩ hâ. Ma tô we oto tirowa'a. Tawamhã Zaco, ma te ãma tãma wa'rã ãne: — Aima ĩnhimirẽme õ di za a'â, ĩwẽ hã ĩma 're apisutu mono da, asina ĩma ropisutu õ nherẽ.

Tane nherẽ, te tawamhã daza'u siwaprosi za, zara niwĩ. Taha ré tame siwaprosi hâimana ré, aibâ itẽme we imorĩ hã ma tô Zaco 'wamhâ, ãma irowa'a zahuré zéb u.

Tawamhã Zaco te ãne sima tinha: — 'Re ihâimana u'âsi mono, 'râwi pesere wa tô oto 'madâ. Tane nherẽ, wa zahadu ĩhâiba ré 're ĩhâimana. Tahawa ma tô ro hã sisi, Penué na.

Tawamhã aibâ, Zacoho ãma te te ãma i'ai'uté waihu'u õ na siwaihu'u wa, ma tô upata upi. Ãhã wa, ma tô upata hi watobro, Zaco hã.

Tawamhã aibâ te sadanha ãne: — E niha asisi hã. Tawamhã Zaco ma te ãma sada'â ãne: — Zaco.

Tawamhã Zaco tãma sisisi da, te duré tiwi waptẽ, aibâ wi hã ãne: — Ma'ãpé, asa ĩma asisisi na, te waihu'u da, duré wa hã. Tawamhã aibâ ma te ãma tãma wa'rã ãne: — E marĩ da, te ĩnhisi asima iwẽ, waihu'u da hã. Tawamhã tame iwẽ te te tãma 're apisutu mono da, ma tô oto sina tãma ropisutu.

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Tawamhã duré ã hawim haré Izaraéu nhihudu norĩ hã marĩ upata nhi hã te te 're huri mono õ di, tame te te upi wa.

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.