Popular Bible Verses from Atu 16

Share

Tawamhã ma tô asa tãma rowasu'u zahuré, ãne: — Wanhib'apito Zezusi asina umnhasi. Tawamhã ta hã te za asõ'reptu, asõrõwa ãma asiré 're ai'ubumroi wa'aba mono norĩ me.

Tawamhã mara wa'wa, ma tô Paulu norĩ hã 'Re ihâimana u'âsi mono ma timreme zahuré, Silaha me. Tinho're na te duré ãma tiwata zahuré. Tawamhã 'ri 're wa'wa amo niwĩ isimasam norĩ hã te wapari za'ra, isõ're zahuré zé hã. Tawamhã te awa'awi ti'a hã 're wara. Ti'ai 'rowi, 'ri na'rata tétézé hã te sãsã'ã, dazazéb 'ri hã. Tawamhã awa'awi ma uburé 'ridawa nhitobzé hã si'ridawa za'ra. Dapawasisizé hã duré daparatétézé hã ma tô sisinarĩ, dazazéb 're isimasam norĩ ma, isi'uwazi nhorõ rudu hã.

Taha pari, ma tô sani zahuré, rob u. Te tãma nharĩ zahuré, ãne: — Aibâ norĩ, e marĩ wa za 'manha, danho'reptuzé hã te ĩsina uwaimrami da.

Tahawa, dazazé 'madâ'â'wa hã ma tô udu. Utu wamhã, ma tô 'ridawa hã 'madâ. 'Ridawa haré te za, dazazé hã. Tahawa, ma tô tinhi'wa hã sisada waze, ãma siwĩrĩ da aré, isimasam norĩ hã wairébé newa. Tahawa, te Paulu hã hârâ 'rãihâ na 'mahâ, ãne: — Tô'ã. Asiwĩrĩ tõ. Ãhãta wa aihĩni aimasam ni.