Popular Bible Verses from MACIU 5

Share

E sega talega ni ra dau vakacaudreva oti na cina na tamata, ka ra qai biuta ena ruku ni kato; ia sa biu ga ena kena i tutu, me vakararamataki ira kecega era tiko ena loma ni vale. Me cila vakakina na nomudou rarama e matadra na tamata, me ra raica rawa na nomudou cakacaka vinaka, ka vakarokorokotaka na Tamamudou sa tiko mai lomalagi.

“Oi kemudou na rarama kei vuravura. Na koro sa toka e delana ena sega ni tabonaki rawa.

“Sa kalougata o ira era sa yalosavasava; Ni ra na raica na Kalou.

“Sa kalougata o ira era via kania ka via gunuva na ka e dodonu; Ni ra na vakamamautaki.

Ia au sa kaya vei kemudou oqo, dou lomani ira na nomudou meca ka masulaki ira era vakacacani kemudou

“Sa kalougata o ira era sa yalo malumalumu, Ni sa nodra na matanitu vakalomalagi.

“Sa kalougata o ira era dau sasagataka na veivinakati, Ni ra na vakatokai me ra luve ni Kalou.

“Sa kalougata o ira era sa dautagi; Ni ra na vakacegui.

“Sa kalougata o ira era vakacacani ena vuku ni ka e dodonu; Ni sa nodra na matanitu vakalomalagi.

“Sa kalougata o ira era dauloloma; Ni ra na lomani.

“Dou sa kalougata ni dou sa vakasewasewani, ka vakacacani, ka vosa vakacacataki vakailasu ena ka kecega e ca ena vukuqu. Dou reki ka marau vakalevu, ni sa levu na kemudou i sau mai lomalagi, ni sa vakaoqo na nodra vakacacani na parofita era sa bula e liu vei kemudou.

“Sa kalougata o ira era sa yalomalua; Ni ra na taukena na vanua.

“Oi kemudou na masima kei vuravura. Ia kevaka sa seavu mai na masima na kena tuituina ena qai vakatuituinataki tale ena cava? Sa na qai sega ni yaga ena dua na ka, me sa biu tani ga, me ra buturaka na tamata.

O koya oqo, mo dou vinaka sara kina me vaka ni sa vinaka sara na Tamamudou vakalomalagi.

Ia me Io na Io ka Sega ga na Sega na nomudou vosa, ia na ka sa kuria oqo sa mai vua na vunica.

“Dou sa rogoca ni sa tukuni vakaoqo, ‘Me i sau ni mata na mata, ka me i sau ni bati na bati.’ Ia au sa kaya vei kemudou oqo, dou kakua ni vorati koya sa caka ca vei kemudou. Ia, kevaka e dua sa sabica na balumu i matau, vagolea talega vua na kena i karua.

Kevaka sa vakacalai iko na matamu i matau, mo leuta tani ka biuta laivi vei iko; ni sa vinaka cake vei iko me yali e dua na tikimu, ia me kakua ga ni biu ki eli na yagomu taucoko. Ia kevaka sa vakacalai iko na ligamu i matau, muduka tani ka biuta laivi vei iko; ni sa vinaka cake vei iko me yali e dua na tikimu, ia me kakua ga ni biu ki eli na yagomu taucoko.