Popular Bible Verses from VAKATEKIVU 45

Share

Ia oqo mo dou kakua ni rarawa se veicudruvi kina ena kemudou maliwa, baleta ni o dou sa volitaki au mai kike. Na Kalou ga sa vakauti au mai liu ki na vanua oqo ka qai muri oi kemudou me ia na veivakabulai.

Sa sega kina ni oi kemudou sa talai au mai ki ke; na Kalou ga. Sa vakayacori au o koya me'u nona vakailesilesi cecere taudua na tui. Au sa liutaka na i tikotiko vakaturaga, ka'u sa lewa na vanua taucoko o Ijipita.

Na Kalou sa talai au taumada mai ki na vanua oqo me vueti kemudou ena sala oqo ka vakataudeitaka na vakabulai ni nomudou kawa.

Sa qai kaya vei iratou o Josefa, “Dou toso voleka mai!” Ni ratou sa toso volekati koya yani, a sa mani kaya, “Oi au ga o Josefa na tacimudou, o koya dou a volitaka i Ijipita.

Oqo e se qai karua ni yabaki ni dausiga ena vanua oqo, ka se vo tale tiko e lima na yabaki ni dausiga, ka na sega kina na siviyara se na tatamusuki.

E a kaya o Josefa vei iratou na tuakana, “Oi au o Josefa. E se bula tiko li o tamaqu?” Ia ni ratou sa rogoca oqo na tuakana, sa tuburi iratou na rere levu ka sega ni rawa kina ni sauma na nona taro.