Popular Bible Verses from 2 KORINICA 1

Share

Me vakavinavinakataki na Kalou na Tama ni noda Turaga ko Jisu Karisito, o koya na Tama ni yaloveivosoti, na Kalou sa sega ni mudu rawa na nona veivakacegui! Sa vakacegui keda o koya ena noda rarawa kecega, ka sa rawa kina vei keda me da vakacegui ira era sota kaya na veimataqali leqa kecega, ena veivakacegui ga sa rawata mai vua na Kalou.

Me vaka ga na noda vakaivotavota ena rarawa i Karisito, eda na vakaivotavota vakakina e na veivuke levu ni Kalou e na vuku i Karisito.

E vaka sa lewai me keitou mate, me keitou kakua kina ni vakararavi ga vei keitou ia me keitou vakararavi ga vua na Kalou o koya sa vakaturi ira cake tale na mate.

Ni sai koya ga na Kalou sa vakataudeitaki keitou vata kei kemuni vei Karisito ka sa lumuti keda. Sa i koya talega na Kalou sa vakatakilakilataki keda me da sa nona, ka solia mai na Yalona ki na lomada me i vakadei ni veika kece sara ena solia vei keda.

Ia kevaka keitou sa vakararawataki, sa ka mo ni vakacegui ka vakabulai kina. Kevaka keitou sa vakacegui, sa ka mo ni vakacegui kina ena nomuni vosota talega na veika rarawa vata ga keitou a vakararawataki kina.