Popular Bible Verses from 1 KORINICA 13

Share

Sa dauvosota vakadede ka yalovinaka na loloma; sa sega ni dauvuvu se qaciqacia se dokadoka na loloma; sa sega ni viavialevu se daucakava na ka tawa kilikili se daunanumi koya vakataki koya na loloma; sa sega ni daukatona na veika ca na loloma

Sa sega ni sorosoro rawarawa na loloma; ka sa sega ni druka rawa ena vakabauta, ena i nuinui, kei na vosota.

sa sega ni daurekitaka na ca na loloma, ia sa rekitaka ga na dina.

Ia oqo, sa tudei na vakabauta, na i nuinui, kei na loloma; sa uasivi cake vei iratou na ka tolutolu oqo na loloma.

Sa tawamudu na loloma. Ia na veivosa ni parofisai ena takali ga; na i solisoli ni duivosavosa ena mudu mai; na kila-ka ena oti yani.

Kevaka au sa vosataka na nodra duivosavosa na tamata kei na nodra vosa na agilosi, ia sa sega vei au na loloma, na noqu vosa sa vaka walega na kaukamea sa rorogo, se na lali sa tataqiriqiri.

Sa rawa ni tu vei au na i solisoli ni dauvunau; sa rawa ni tu vei au na kila-ka me kilai rawa kina na veika vuni kecega; sa rawa ni tu vei au na vakabauta e gadrevi me tosoya na ulunivanua — ia kevaka sa segai vei au na loloma, au sa ka walega.

Sa rawa vei au me'u solia tani yani na veika kecega sa noqu, se mani solia sara na yagoqu me vakamai — ia kevaka sa segai vei au na loloma, sa sega ga na kena yaga vei au.

Ni'u a se gone, sa dauvaka na gone na noqu i vosavosa, na noqu kila-ka, kei na noqu vakanananu; ia ni'u sa yaco me'u tamata bula, au sa biuta tani na i tovo vagonegonea.