Popular Bible Verses from Maciu 19

Share

Sa qai rai yani vei iratou o Jisu, ka kaya vei iratou, “Sa dredre sara vei ira na tamata, ia sa rawarawa vua na Kalou na veika kecega.”

E rau sa qai sega ni lewe rua tikoga, e rau sa duabau ga. Na ka sa vauca vata na Kalou me kakua ni tawasea na tamata.”

A sauma o koya ka kaya, “Dou sa sega beka ni wilika ni sa buli rau ga me dua e tagane ka dua e yalewa o koya na Dauveibuli mai na i vakatekivu, ka kaya, ‘Ena vuku ni ka oqo sa na biuti tamana kei tinana kina na tagane ka kabita na watina, ka rau sa yaco me duabau ga na lewe rua?’

Ia, sa qai kaya o Jisu, “Dou laivi ira na gone lalai me ra lako mai vei au ka kakua ni tarovi ira, baleta ni sa nodra o ira era sa vakaoqo na matanitu vakalomalagi.”

Ia, e lewe vuqa vei ira sa liu era na muri, ka lewe vuqa vei ira sa muri era na liu.

O koya ga sa biuta na nona veivale, kei iratou na tacina kei na tuakana kei na ganena, se na tamana se tinana, se o iratou na luvena, se tiki ni qele, ena vuku ni yacaqu ena yayadrau sara tale na ka e taura kina, ka na taukena talega na bula tawamudu.

Sa qai kaya vua o Jisu, “Kevaka o vinakata me sa vinaka sara, mo lako, ka volitaka na nomu i yau ka solia vei ira na dravudravua, o na qai vakaiyau mai lomalagi, lako mai ka muri au.”

Sa qai kaya vua o koya, “A cava o tarogi au kina me baleta na ka vinaka? Sa dua ga o koya e vinaka. Ia, kevaka o via curu ki na bula, muria ga na i vakaro.”

Au sa kaya vei kemudou, e rawarawa cake vua na kameli me curuma na mata ni cula, mai vua na tamata vutuniyau me curu ki na matanitu ni Kalou.”

Ia, au sa kaya vei kemudou, o koya sa veisere kei na watina, kevaka e sega ni vuna na dautagane, ka la'ki veiwatini kei na dua tale, sa dauyalewa.”

Sa qai kaya vei ira na nona tisaipeli o Jisu, “Au sa kaya vakaidina vei kemudou ena dredre vua na tamata vutuniyau me curu ki na matanitu vakalomalagi.