Popular Bible Verses from Maciu 10

Share

“Raica, au sa talai kemudou yani me vaka na sipi ena kedra maliwa na olifa; o koya oqo, mo dou vuku me vaka na gata ka yalovinaka me vaka na ruve.

O koya sa maroroya na nona bula ena vakayalia, ia, o koya sa vakayalia na nona bula ena vukuqu ena maroroya.

Mo dou kakua talega ni rerevaki ira era rawa ni vakamatea na yago, ka ra sega ni rawata me vakamatea na yalo; dou rerevaki koya ga e rawa ni vakarusa ruarua na yalo kei na yago mai eli.

kei koya e sega ni colata na nona kauveilatai ka muri au sa tawa yaga vei au.

“O koya oqo, o koya ga e tusanaki au e matadra na tamata, au na tusanaki koya talega ena mata i Tamaqu mai lomalagi; ia, o koya e cakitaki au e matadra na tamata, au na cakitaki koya talega ena mata i Tamaqu mai lomalagi.

Dou vakabulai ira na tauvimate, vakaturi ira cake tale na sa mate, vakasavasavataki ira na vukavuka, vakasavi ira na tevoro; dou sa rawata wale, mo dou solia wale talega.

O koya oqo mo dou kakua ni rere; ni dou sa talei cake sara mai vei ira na siparo e vuqa.

“Dou kakua ni nanuma ni'u sa lako mai me'u kauta mai na veisaututaki ki vuravura; e sega ni'u lako mai me'u kauta mai na veisaututaki, na i seleiwau ga.