Popular Bible Verses from Luke 15

Share

A sa qai tu ka lako vei tamana. “Ia ni se tu vakayawa tu ga yani, a sa raici koya mai o tamana; a sa tuburi koya na loloma levu, ka sa cici yani vua, ka mokota, ka reguca.

Ni a sa mate na luvequ oqo, ia sa qai bula tale; a sa yali, ia sa qai kune tale.’ Era sa qai vakatekivu me ra marau.

Au sa kaya vei kemuni, ena vakakina na levu ni reki mai lomalagi ena vukuna e dua bau ga na tamata i valavala ca sa veivutuni, ka sega soti ena vukudra na lewe ciwasagavulukaciwa na tamata yalo dodonu ka sega ni yaga me ra veivutuni.

Au na tu ka lako vei tamaqu, ka'u na kaya vua, ‘Tamaqu, au sai valavala ca ki vua na Kalou ka vakakina vei kemuni.

Sa qai kaya na luvena ki vua, ‘Tamaqu, au sai valavala ca vua na Kalou ka vakakina vei kemuni, ka sa sega kina ni ganita me'u vakatokai tale me'u luvemuni.’

“Kevaka e dua vei kemuni sa tiko vua e 100 na nona sipi, ka qai yali e dua vei ira; ena sega li ni laivi ira tu yani na lewe 99 ena vanua veico, ka la'ki vakasaqara na le dua ka yali me yacova sara ni sa kunea?