Popular Bible Verses from Luke 14

Share

“Kevaka e lako mai vei au e dua na tamata ka sega ni uasivi cake na nona lomani au mai na nona lomani tamana, kei tinana, kei na watina, kei iratou na luvena, kei iratou na tuakana kei na tacina, kei iratou na ganena, io kei na nona bula sara talega o koya, ena sega ni rawa me noqu tisaipeli.

O koya talega e sega ni colata na nona kauveilatai ka muri au, ena sega ni rawa me noqu tisaipeli.

O koya yadua sa vakalevulevui koya ena vakamalumalumutaki, ia o koya yadua sa vakamalumalumutaki koya ena vakalevulevui.”

O koya oqo ena sega kina ni rawa me noqu tisaipeli e dua vei kemuni kevaka e sega ni biuta tani na veika kece e tu vua.

“Se o cei vei kemuni e via tara e dua na vale cecere, me na sega ni tiko sobu mada e liu ka cakacakataka na kena i sau, se na rauta na ka e tu vua me vakaotia kina se sega? De lakolako ena qai cakava rawa walega na kena yavu ka sa oti na i lavo. Era na qai vakalialiai koya o ira kecega ka raica, ka ra kaya, ‘E a tekivu tara vale na tamata oqo, ia sa sega ni rawa ni vakaotia.’

Ia ni o sa caka magiti, sureti ira na dravudravua, na lokiloki, na gera, na mataboko; o na qai kalougata kina, ka ni ra na sega ni dolea rawa vei iko e dua na ka. Ena qai dolea vei iko na Kalou ena siga ni nodra tucake tale mai na mate na yalododonu.”

“E ka vinaka na masima, ia kevaka sa seyavu mai na masima ena kena tuituina, ena qai vakatuituinataki tale ena cava? Sa na qai tawa yaga ki na vanua se ki na i vakabulabula ni qele; ka ra sa na biuta tani ga na tamata. O koya sa vakadaligana me rogo kina, ia me rogoca sara!”