Popular Bible Verses from Luke 11

Share

O koya oqo, oi kemudou na tamata ca, ni kevaka dou sa dau solia na ka vinaka vei ira na luvemudou, sa na qai ka levu cake sara na nona solia na Yalo Tabu na Tamamudou vakalomalagi vei ira vakayadua era sa kerea vua!”

Au sa tukuna kina vei kemudou, Dou kerekere ka na soli vei kemudou; dou vakasaqara ka dou na kunea; dou tukituki ka na dolavi vei kemudou.

Ni sa dau rawata o koya yadua sa dau kerekere, ka dau kunea o koya yadua sa dau vakasaqara, ka na dolavi vua sa dau tukituki.

Sa qai kaya vei iratou o koya, “Ni dou sa masu, dou kaya, ‘Tama i keimami, me vakarokorokotaki na yacamuni, Me yaco mai na nomuni matanitu.

Ni kakua ni cudruvi keimami ena vuku ni neimami i valavala ca; Ni keimami sa sega ni cudruvi ira era sai valavala ca vei keimami. Ka mo ni kakua ni kauti keimami ki na vere.’ ”

Ni solia mai vei keimami ena veisiga na kakana e rauti keimami.

A cina ni yago na mata. Ni sa vinaka tu na matamu, sa rarama kina na yagomu taucoko; ia ni sa ca tu na matamu, sa butobuto kina na yagomu taucoko.

“E sega ni dua na tamata, ni sa tutuvaka oti na cina, me qai biuta ena dua na tikina vuni, se ena ruku ni vakarau ni sila; ia e biuta ga ena kena i tutu ka me ra raica rawa na kena rarama o ira era curu mai.